اسباب اضطراب الكلام وكيفيه التعامل معه. الايكولاليا .. المصاداه .. الترديد للكلام يعنى ايه ايكولاليا ؟!

محمد حسين بدران
خصائي نفساني مصري

اضطراب في عملية التواصل، يظهر من تكرار الكلام مباشرة بعد سماعه ” الفورية ”
أو بعد وقت قصير أو طويل ” المؤجلة ”
(أي أن الطفل يعيد العبارات كما هي في موقعها غير المناسب خلال الحديث)
يعنى ببساطه الطفل اللى عامل زى البغبغان
انا : ازيك يا احمد
الطفل : ازيك يا احمد
انا: عامل ايه
احمد: عامل ايه
وهكذا
او الطفل اللى بيقول كلامه ف غير موضعه عشان سمعه من شويه
(اسباب الايكولاليا )
ببساطه ان الطفل مش فاهم الكلام مش فاهم يعمل ايه مش فاهم ايه المطلوب منه وفنفس الوقت عايزا يتواصل لفظيًا
اهم اسبابها
١- اثناء اكتساب الطفل للغه ف السنوات الاولى ممكن تستمر لغايه سن السنتين احيانا لغايه ما يكمل حصيله لغويه
٢- تظهر اكتر مع حالات التاخر العقلى والذهنى بنشوفها بتظهر اكتر مع حالات ( اطفال التوحد) اغلب التوحديين مصاحبهم ايكولاليا
٣-اصرار الاهل على تكرار كلام الطفل مثلا اقول للطفل
ايه دى .. تفاحه بنغمه صوت واحده
هيرد يقولى ايه دى تفاحه
٤- التأخر اللغوى عاده بيصاحب ايكولاليا
٥_ التدريب الخاطىء للطفل ع النطق بيسبب ايطاليا
انواع الايكولاليا ؟
هناك نوعين من الايكولاليا تظهر ع الطفل
اولا / الايكولاليا الفوريه
دى بتكون سريعه وفوريه
-تشرب عصير
-تشرب عصير
ثانيا/ الايكولاليا المؤجله
ودى بتظهر بعد شويه كلام بيكون سمعه من شويه ف يقوله بعد دقيقتين بعد نص ساعه بعد ساعه واكتر من كدا
مثال / بتكون قاعد في جلسه مع طفل توحدى ناطق وفجأه اثناء النشاط تلاقيه بيغنى ( هاللا هاللا عالفانله ) حدث بالفعل
هنا دى #ايكولاليا مؤجله

طيب ايه الحل مع الايكولاليا
مع الايكولاليا الفوريه
حنعمله اغلاق سمعي يعني هنشتغل كدا مع الطفل
-ازيك يا احمد ( صوت منخفض شويه)
وارد ع طول ( الحمدلله ) صوت عالى
الطفل هيرد باخر حاجه سمعها اللى هى الحمدلله
وقتها هعزز وبرافو شاطر
وارجع تانى اززززيك
صوت عالى (الحمدلله) .. وهكذا
وهكتر من الاسئله
اسمك ايه ؟ – احمد ( صوت عالى )
ايه دى ؟ (قطططه) صوت عالى
واجيب حد معاه في الجلسه وليكن طفل في سنه يعرف يرد عليا علشان الاطفال بيعلمو بعض بالتقليد
واسئل الطفل ده قدامه
انا :ازيك
الطفل الثاني :الحمد لله.. اشجعه لانه جاوب صح
اقول للطفل الاول يلا دورك ازيك؟
يجاوب الطفل التاني بسرعه علشان هو يقلده ويقول زيه. وهكذا لغايه ما المشكله تقل وتختفي ان شاء الله
طيب علاج الايكولاليا المؤجله ايه؟
طفل مديله امر يحط الكوبايه فوق الترابيزه
وهو رايح يحطها قاعد يقول (تفاحه تفاحه تفاحه )
هنا هنعمل فصل انتباه
هنده عليه واقوله هات ( الكوبايه )
ايه دى ؟ كوبايه
اعمل ايه بالكوبايه ؟ اشررررب
وهكذا
لما الاقيه بيقول كلام مش فى موضعه
هطلع اى حاجه معايا واكلمه عليها كتييير وان شالله الموضوع بيتحل
ولازم نعزز الاستجابات الصحيحه اللى مفهاش تكررار للطفل ونهمل الخاطئه
تغييير نبرة الصوت مهمه جدا جدا فالعلاج
زياده الحصيله اللغويه للطفل بتساعد ف التخلص من #الايكولاليا
استخدم فتره توقف مؤقت بين المثير ( السؤال ) والاستجابه (الرد)
((ولازم نعرف ان الطفل لما بيردد كلام بيكون عنده رغبه فالتواصل بس عنده قصور فاللغه و فالفهم))